قالو ضل راجل ولا ضل حيطه ... ياختي بلا راجل بلا نيله....!!!!!1 - عمرك سمعتي عن حيطه بتشخر طول الليل ومتخلكيش تعرفي تنامي.
2 - ولا حيطه تدخل من باب البيت تجعّر عايزه الغداء وبعدين تطين عشتك عشان الملح طلع زياده.
3 - ولا ممكن ترجعي البيت فى يوم تلاقي الحيطه بتبوس الشغالة.
4 - طب شفتي حيطه تملا الشقه دخان والارض سكاير.
5 - ولا فى حيطه تحاول تطلعك غلطانه فى كل الكلمه تقوليها عشان تثبت للعيال أن الحيطه بتفهم عينيك.
6 - ولا حيطه تدوخك وراها عشان تشوفيها بتكلم مين فى نصف الليل فى التليفون.
7 - طب الحيطه معروف مكانها طول الليل انما المحروس يدوخك وراه عشان تعرفى كان سهران في انه داهيه .... قال ايه عنده شغل: يا سم.
8 - ولا حيطه تقعد تقولك ماتخر****** بالفستان ده أحسن اقطعه ولما تطلبى منه فلوس عشان تجيبى فستان غيره تعمل ودن من طين وودن من عجين ...طيب ده حتى الحيطه ليها ودان
