انا كنت بالمعسكر السنة الماضية
وحابب اعطيكم فكرة عن الجو هنيك
1_لازم تكون من اول الواصلين ع المعسكر لحتى تقدر تاخد مهجع {غرفة صغيرة} بيكون فيها تقريبا 6 طلاب

2_ لازم يكون معك دفتر خدمة العلم والهوية وبطاقة المعهد

3_ اذا بدك تاخد معك اكل راح ياخدوهم منك ع الباب يعني متل المعلبات والجبنة واي شي تاني
ال لأنو في اكل بالمعسكر ال اكل ال مو نصيحة والله
بس فيك تدخل اكل عن طريق شي واحد بتعرفو مدعوم يعيني

4_ الموبايل ممنوع والتفتيش ع باب المعسكر دقيق كتير
بس انت وشطارتك فيك تدخل الموبايل معك

5_ خود معك ترمس مي لأن المي هنيك عم تغلي عنجد

6_ مسموح تدخل معك 5 باكيتات دخان او 6 بس
بس فيك تدخل اكتر انت وشطارتك

7_ اذا كنت من شريبة المتة نصيحة مني خود معك 5 علب لأن مافي هنيك

8_ لاتنسى الشدة لأن مافي شي تتسلى فيه هنيك غيرها

9_ نصيحة لاتاكل داخل المهجع لأن بتفيق الصبح بتلاقي العقارب حدك

10_ لاتاكل من المطعم الا اذا حسيت انك راح تموت من الجوع
اكيد عم تسألو ليش بكرة راح تعرفو لوحدكم

11_ خود معك شريط كهربا وبعض الادوات الكهربائية اذا كنت راح تاخد موبايل معك
لحتى تقدر تسرق كهربا وتشحن

12_اذا بدك تنام لاتغمض عيونك التنتين تروك عين مفتوحة
اكيد عم تسألو حالكم ليش
لأن اذا غمضت العينتين ونمت راح يجي الي بعرفك والي مابيعرفك يصورخك
تعريف كلمة يصورخك : اي ان يتم وضع قطعة محارم مشتعلة بين اصابع رجليك

هيدي تقريبا كل النصائح الكم
بتمنا تكونو استفتدوا
ملاحظة : كل كلمة حكيتها صحيحة 100% وبكرة راح تتأكو
وانا اكيد راح كون معكم